KM0

0 kilometroko artistak ikusgai jartzeko eta haien lanen salmenta sustatzeko helburuarekin, Zas Kulturrek KM0 jarri du martxan. Araban —eta bereziki Gasteizen— arte garaikidearen salmentara bideratutako espazioen gabeziari erantzuten dio; ez dago arte garaikideko galeriarik, ezohikoa hiriburu batean. Arte-merkatuaren uzkurdura garaian, non artista askok zailtasunak dituzten beren lanak zabaltzeko eta galerien kopurua etengabe jaisten ari den, KM0k obra zirkulazioan mantentzen duten eta artea publiko berrietara hurbiltzen duten espazio txikien lana babesten du.

KM0 obra-funts bizia da, galerien antzera funtzionatzen duena, baina hurbiltasun eta irisgarritasun ikuspegitik. Tokiko obren “artxibo txiki” bat proposatzen du, gertatzen ari denaren lekukotasuna ematen duen funts bizia, eguneroko bizitzan artea txertatu nahi duen edonoren eskura dagoena. Identitate zaindua du, baina helburu argia: kalitateari uko egin gabe, erosketak eskuragarri egitea.

Funtsa arretaz hautatutako lanekin hazten doa. Parte hartzen dute, besteak beste, Koko Rico, Joaquín Lara, Gustavo Almarcha, Gert Voor in ’t Holt, Simónides, Zuriñe Amoroso, Natalia Albeniz, Iñaki Larrimbe, Bildotsne eta Dorleta Ortiz de Elgueak. Edisio bakoitzeko “pieza bikaina” Zas Kultur taldeak hautatzen du.

KM0ko lan guztiak tamaina txiki edo ertainekoak dira, etxeetan, estudioetan eta lan-espazioetan erraz txerta daitezen pentsatuak. Programa honen bidez, Zas Kulturrek arte garaikiderako sarbidea sendotzen du, tokiko sorkuntza babesten du eta bildumagintza sustatzen du.