Vis a Vis #1: Salim Malla

Aste honetan Zas kulturen atseden hartu ondoren, serie berri batekin itzuliko gara. “Vis a Vis” deitu diogu honi, eta Salim Malla artista izango dugu gure lehen gonbidatua, ostegun honetan, apirilaren 4an, 19:30tan.

Hilero aktibatuko dugun serie berri hau artista gonbidatuen munduan murgiltzeko aukera bat izango da, haien prozesuetara, metodologietara eta beren lanaren ulermen askoz hurbilago batera hurbilduz. “Vis a Vis” programaren formatua Zas taldeko kide baten eta artisten arteko elkarrizketa arina izango da, non publikoa galderak egiteko edo elkarrizketan parte hartzeko lekua izango duten baita ere

Esan bezala, ziklo hau hasteko Salim Malla artista eta ikertzaile Gasteiztarra izango dugu gurekin. Artista honek metodologia zientifikoa aplikatzen die eremu sozial eta artistikoan sortutako galderei, batez ere luzera neurtzeko unitateei, artearen eta zientziaren arteko topagune liluragarria sortuz. Ingeniari topografo gisa eta arte ederretan izan dituen prestakuntza hibridoak marka ezabaezina utzi dute bere ikuspegi sortzailean, neurketaren nozioa modu kontzeptual eta plastikoan esploratzeko aukera emanez. Hau bere pieza eta instalazioetan argi ikusten da, hark egindako esperimentu zientifiko-metaforikoen bidez.

Malla zehazten du nola garatzen den bere sortze-prozesua Unitateen Nazioarteko Sistemaren neurri-ideian eta luzera-ereduan oinarrituta. Urteetan zehar, lan metodologia garapen kontzeptualarekin modu zatiezinean nola lotzen den erakusten duten piezetan formalizatzea lortu du. Bere lanak neurketa-sistemen ustezko aldaezintasuna, unibertsaltasuna eta objektibotasuna kritikatzeaz gain, edozein neurketa-saiakerari ematen zaion pertzepzio-arazoak eta tolerantziak ere aztertzen ditu. Esan genezake Salim Malla ezagutzaren mugak eta ingurunearekin duen harremana aztertzen duela. Bere lana arau eta lege zientifikoak zalantzan jartzearen barruan kokatzen da, eta horiek ere, propietate fisikoetan oinarrituta egon arren, giza adostasunaren mende daudela erakusten du, hurren ustezko objektibotasunari buruzko zalantzak sortuz.

Salim Mallaren prozesuan eta ikuspegietan sakontzeko eta bere lanarekin eta ikerketarekin zerikusia dituzten galderak modu zuzenago eta pertsonalago batean ulertzeko aukera honetan parte hartzera gonbidatzen zaitugu.

Datorren ostegunean zain izango gaituzu Zas Kulturren!