Fernando Iglesiasen «Pixies and friends»

ERAKUSLEIHOKO ESKU-HARTZEAREN AURKEZPENA

Martxoaren 16an, osteguna, 19:30ean

Lekua: Zas Kultur (San Anton plaza 2, Gasteiz)

Zas Kultur Espazioak Fernando Iglesias (Gasteiz, 1970) artistaren «Pixies and friends» aurkezten du. Instalazio-formatuko erakusketa-proposamen honen inaugurazioa martxoaren 16an, osteguna, 19:30ean izango da, eta espazioaren erakusleihoan ikusi ahal izango da.

Obrak herri-kulturaren erreferentzia ugari ditu: museoetatik kanpo bizi den, kaleetara zabaltzen den edo komunikabideen bidez gure etxeetan sartzen den kultura horrenak.

Fernandok bere lanetan eskaintzen dizkigun irudiak skate edo surf taula batean jar litezke; artistak maiz egiten dituen aire zabaleko kirolak dira. Jarduera fisikotik haratago doazen kirolak dira, askorentzat bizimodu ere badirelako: askatasuna, jolasa eta arriskua bezalako kontzeptuak existentzia ulertzeko modu fresko eta bizi batekin lotzen dira. Eta musika. Musika beti hor, funtsezkoa, taula baten gainean irristatzen diren bitartean inguratzen dituen soinu-banda gisa, bizitza film bihurtuz.

Fernandok espiritu horrekin betetzen du orain Zas Kulturren erakusleihoa. Azken lanetako hirurekin egiten du, Pixies talde historikoaren abestien izenburuak hartuta; 80ko hamarkadaren amaierako rock alternatiboko talde eragin handienetako bat da. «La la love you», «Dead» eta «Human Crime» ikusizko gai bihurtzen dira, erakusleihoarekin bat eginez. Hainbeste, non zaila baita jakitea non dagoen obraren, erakusleihoaren eta hiru dimentsioko collage hau ikusiko duten oinezkoen arteko muga.

Zergatik Pixies? Egileak berak dioenez: «Abesti hauetan gure beldurrak, grinak eta kontraesanak guk geuk baino hobeto kontatzen dituzten pertsonaiak bizi dira. Musikak, eta irudiek oro har, gure egia beste inork baino hobeto kontatzen duten pertsonaiak erakutsi dituzte beti».

«Escaparate Zas» esku-hartze formatuko ekimen finkatua da dagoeneko, Zas Kultur kultur espazioaren egoitzako erakusleihoan garatzen dena. Edozein bitarteko erabiliz gauza daiteke: argazkilaritza, marrazkia, pintura, eskultura, instalazioa edo bideoa. 2016tik hogeita hamar inguru egin dira. Susana Blasco, Democracia kolektiboa, Juan Aizpitarte, Ana Nieto, Simónides, Anabel Quincocs, Zirika, Jorge Salvador, Amaia Vicente, Joaquín Lara, Alberto Lomas, Alexandra Liesse, Gerardo Armesto, Nuria Pérez Cárcamo, Edurne Herrán, Maite Pinto, Iker Vázquez, Josean Pablos, Miguel Ángel Martin, Ander Pérez, Josune Rodriguez eta Gurb dira Zasen erakusleihoan beren lanak erakutsi dituzten artistetako batzuk.

Jardueraren argazki-galeria estekatzeko zain.