«Hala bazan ala ez bazan», Mikel Sanchezen lana

Ostegun honetan, martxoaren 26an, 19:00etan, Zas Kulturrek “Hala bazan ala ez bazan” hartuko du, amaitu gabe dagoen obra bati buruzko instalazioa. Proposamenak Mikel Sanchez Duránek “Jon eta Itsaso” beldurrezko film laburra garatzeko jarraitu dituen prozesuak biltzen ditu.

Proposamenak ideia sinple baina ezohiko bat du abiapuntu: normalean ikusgai geratzen ez den guztia erakustea. Instalazioak ikus-entzunezko pieza batek jatorritik pantailara iritsi arte egiten duen bidea jarraitzeko aukera ematen duten materialak, probak, erreferentziak eta erabakiak biltzen ditu.

Lan honen bidez, publikoak Jon eta Itsaso film laburrera hurbiltzeko aukera izango du storyboarden, animatutako eszenen, garapenerako oinarri izan diren argazki-erreferentzien, gidoiaren eta proiektua artikulatzen duten gainerako elementuen bidez. Emaitza itxi bat soilik aurkeztu beharrean, instalazioak geruza horiek guztiak lotzen dituen hariari erreparatzen dio, eta atzean dagoen galdera bati: nondik datoz ideiak?

Hala bazan ala ez bazan instalazioak, beraz, ikus-entzunezko eta zinemako sorkuntza prozesuaren barrura begiratzeko aukera ematen du, eta obran erabakigarriak izan arren askotan ezkutuan gelditzen diren lan faseak agerian uzten ditu. Muntaiak prozesu-artxibo, instalazio eta irudiak azken formara iritsi aurretik pentsatzeko modu baten ibilbide gisa funtzionatzen du aldi berean.

Mikel Sánchez Durán, 1999an Gasteizen jaioa, zuzendaria, editorea eta musikaria da. Ikus-entzunezkoaren hainbat esparrutan garatu du bere ibilbidea, jardueren erregistro eta dokumentaziotik hasi eta kultur guneetarako eduki sorkuntzaraino. 2025ean Araba lehen alaba dokumentala ko-zuzendu du, eta gaur egun Arabako hainbat tokitan proiektatzen ari dira.

Jarduera Zas Kulturren izango da, Gasteizko El Anglo auzoko San Anton plazako 2. zenbakian.